Dziko Lonse Likulira: Papa Francis Wamwalira

-
Image
Lero dziko lonse likulirira. Mtumiki wathu, mtumwi wa mtendere, mtsogoleri wa Tchalitchi cha Katolika Papa Francis   wamwalira ali ndi zaka 88 . Nkhaniyi yatsimikizidwa ndi Vatican m'mawa uno, ndipo ikufalikira mofulumira padziko lonse lapansi. Papa Francis  Papa Francis, anabadwa ngati Jorge Mario Bergoglio ku Argentina, anali Papa woyamba kuchokera ku America, komanso wa mtundu wa Jesuit. Kuyambira atasankhidwa mu March 2013 , anasankha dzina Francis osati chifukwa chokopa, koma kuti akhale ngati Mtumiki wa osauka St. Francis of Assisi . Sanali Papa wa mphamvu anali Papa wa mtima . Anakana kukhala m'nyumba zokongola za Vatican, ndipo anasankha kukhala m'chipinda chaching'ono chisonyezo cha moyo wake wopanda kudzikuza. Papa Francis anali wolimba mtima. Anayankhula za kusintha kwa nyengo (climate change), kusasiyana kwa olemera ndi osauka, kulandira othawa kwawo, komanso za chikondi cha Mulungu kwa aliyense – ngakhale amene ena amawawona ngati osayenera. Anati: “...
Post a Comment

Zifukwa Zomwe Alimi Ayenera Kulima Mbeu Zopilira Ku Ng'amba – Malangizo Ochokera ku Makoka Research Farm

-


Dzulo ku Makoka Research Farm, yomwe kale inkatchedwa Makoka Research Station, ku Zomba kunachitika chionetsero chachikulu cha ulimi. Pa mwambowu, alimi anauzidwa kuti nthawi yakwana yoti asiye kulima mwachizolowezi ndipo ayambe kugwiritsa ntchito njira zamakono, makamaka kulima mbeu zopilira ku ng'amba.

Alimi aku Zomba

A Jessie Mvula, Wogwira Ntchito ku Makoka Research Farm, anati mbeu monga mbatata, nthochi, mapira, soya, komanso chimanga cha makono zikhoza kubweretsa zokolola zambiri ngati alimi atatsatira malangizo a ulimi moyenera. Iye anafotokoza kuti limodzi mwa zolinga zawo ndi kulumikiza alimi ndi makampani kuti azitha kugulitsa zokolola zawo pa mitengo yabwino. Izi zingathandize alimi kukhala ndi chakudya chokwanira komanso ndalama m'matumba mwawo.

Jessie Mvula

A Mvula anawonjezera kuti:

“Tili okonzeka kumalumikizitsa alimi ndi makampani kuti azikagulitsa zokolola zawo kumeneko pa mitengo yabwino.”

Bungwe la Center for Agricultural Transformation (CAT) lomwe lidatsogolera chionetserocho, kudzera mwa mkulu wake a McLeod Nkhoma, linatsindika kuti alimi sayenera kungodalira kulima kokha, koma azigwiritsa ntchito njira zamakono monga ulimi wa nthilira komanso kugwiritsa ntchito matekinoloje ena a luso.

Nyakwawa Ndechere, pansi pa Senior Chief Mlumbe, adati kudzera m'misonkhano yomwe akhala akuchititsa, akulimbikitsa anthu awo kuti asiye njira zakale zosabala bwino, ndipo atembenuke mtima kulimbikira ulimi wamakono womwe uli ndi phindu lalikulu.

Zimene Tinga Phunzire:

1. Kulima mbeu zopilira ku ng’amba kuli ndi phindu lalikulu.

2. Kugwiritsa ntchito njira zamakono monga ulimi wa nthilira kumakulitsa zokolola.

3. Alimi ayenera kulumikizana ndi makampani kuti apeze misika yabwino.

4. Bungwe la CAT likugwira ntchito yolimbikitsa chisinthe cha njira za ulimi.

Nthawi yakwana yoti ulimi ukhale gwero la chuma chenicheni. Tiyeni tichite kusintha!


Comments

Post a Comment

Popular posts from this blog

Mfumu Yaikulu Gawa Undi Aletsa Magule Opanda Ulemu pa Kulamba 2025

-
Image
  Pamene mwezi wa August ukukulira, anthu a m'dera la AChewa a Malawi, Zambia ndi Mozambique akuyamba kukonzekera mwambo waukulu wa Kulamba Ceremony womwe umachitikira ku Mkaika, Zambia. Mwambo uwu ndi chionetsero chachikulu cha chikhalidwe cha AChewa, ndipo chaka chino ukuyembekezeka kuchitika pa 30 August 2025 . Gule wa mkulu Koma zinthu zasintha pang'ono chaka chino… Mfumu yayikulu ya AChewa onse, Kalonga Gawa Undi , watsutsa mwamphamvu gule wamkulu wamaliseche komanso omwe amavina molimbana ndi chikhalidwe . Poyankhula nthawi ya zokonzekera mwambo wa chaka chino, Gawa Undi walamula kuti magule onse amene adzatengerepo mbali pa mwambowu azikhala aulemu , osavina kapena kuvala zinthu zomwe zingawononge ulemu wa chikhalidwe cha AChewa. “Ife AChewa timadziwika ndi ulemu. Tikufuna kuti mwambo wa Kulamba ukhale chionetsero cha chikhalidwe chathu cholemekezeka, osati mwayi wochitira zinthu zosayenera,” watero Gawa Undi. Mfumu yayikulu Lukwa ya m’boma la Kasungu, yomwe ima...
Read more

Ngozi ya Sitima ya M'madzi ku Likoma: Atatu afa, ena asanu ndi atatu apulumutsidwa

-
Image
  Usiku wa dzulo, ngozi yochititsa mantha idachitika pa madzi a Nyanja ya Malawi m'chigawo cha Likoma, pomwe sitima yaying'ono idamira, n’kupha anthu atatu pomwe ena asanu ndi atatu apulumutsidwa. Malinga ndi mneneri wa apolisi ku Likoma, Sergeant Enala Kalua, ngoziyi idachitika pamene anthu ankayenda mu bwato laling'ono kuchokera kumtunda kufuna kukwera sitima ya Chilembwe yomwe inali pakati pa nyanja, ikuchoka ku Mangochi kupita ku Nkhata Bay. Kalua adati, bwato laling’onolo lidamira ndi anthu onsewo ali m'njira yopita kukakwera sitimayo. Panopa apolisi limodzi ndi ogwira ntchito yadzidzidzi akupitiriza kufufuza kuti adziwe chiwerengero chenicheni cha anthu amene anali m'bwatomo komanso amene akusowa mpaka pano. “Ili ndi tsoka lalikulu, ndipo tikupempha anthu kukhala tcheru akamayenda pa madzi, makamaka pa nyengo ya mphepo kapena madzulo,” Kalua adatero. Tikutumiza mawu achisoni kwa mabanja a onse omwe ataya okondedwa awo chifukwa cha ngoziyi.
Read more

Nkhani Yachisoni ku Mchinji: Bambo wamangidwa Atapha Mwana Wake Chifukwa Chosamvera

-
Image
Mu mzinda wa Mchinji, kwachitika mwano wosaneneka. Perete Phiri, mwamuna wa zaka 28, wamangidwa ndi apolisi chifukwa chopha mwana wake, zomwe zanenetsa anthu ambiri komanso kusiya chisoni chachikulu. Perete Phiri Malinga ndi a Limbani Mpinganjira, mneneri wa apolisi ku Mchinji, zikuoneka kuti a Phiri anaphwanya malamulo a umunthu atakwiyitsidwa ndi mwana wake amene anapita kukawona amayi ake amayi omwe a Phiri anasiyana nawo ukwati. Bambo amenewa anali atawulula lamulo lakuti mwana asalowe m’khomo la amayi ake, koma mwanayo sanamvere. “Ndiye chifukwa cha ukali, a Phiri anamenya mwanayo mwankhanza kwambiri, mpaka kumuvulaza mutu,” atero a Mpinganjira. “Kenako anapita naye ku chipatala cha Ludzi, kumene anapezeka ali ndi mavuto aakulu.” Tsoka ilo, mwanayo sanapulumuke. Imfa yake yasokoneza maganizo a anthu ambiri, omwe akudzifunsa: Kodi bambo angatani mwana wake chifukwa choti watsata mtima wa chikondi kwa mayi ake? A Perete Phiri amachokera ku mudzi wa Simbireko, m’dziko la Mozambiqu...
Read more